طريقة عمل جيميل Gmail باستخدام الهاتف | انشاء حساب جوجل | How to create a Gmail account

 

انشاء  حساب Gmail

مقدمة :

عشان تقدر تستخدم الموبايل الاندرويد والتطبيقات اللى فيه ايا كانت متجر او واتس اب او فيسبوك او تويتر او انستجرام اى اى برنامج بتنزله من المتجر

عشان تحفظ كلمات السر الخاصة بيك زى كلمة سر الفيسبوك عشان لو اشتريت تليفون جديد طبعا هتقول نسيت باسورد الفيسبوك

وباسورد الانستجرام وباسورد تويتر واى باسورد انت بتعمله كله بيتحفظ فى الجى ميل الخاص بيك.

بمعنى انك بمجرد اضافة الجى ميل الخاص بيك دة فى اى تليفون هتقدر تجيب كل كلمات المرور لاى تطبيق انت عامل عليه كلمة سر.

وكمان محادثات الواتساب فى حالة لو غيرت مثلا تليفونك فى اى وقت او حتى لو تليفونك ضاع ولما تجيب تليفون جديد تقدر تسترد كل محادثاتك والوسائك على الواتساب.

ببساطة كدة طول مانت بتستخدم الاندرويد يبقى لازم يكون عندك ايميل جي ميل ومينفعش تنساه ولا تنسى كلمة السر بتاعته.

فيديو النهاردة ان شاء الله هو ازاى ننشئ حساب جي ميل بكل سهولة وفى اقل وقت ممكن.

 

 السلام عليكم

اولا انا بعتذر عن المقدمة الطويلة دى بس حبيت اعرفكوا قيمة الموضوع اللى معانا النهاردة

يالا بينا على جهاز الكمبيوتر ونشوف هنعمل الجى ميل ازاى وكل خطوة هنعملها على الكمبيوتر هى هى نفس الخطوات على الموبايل

ونصيحة منى ليكم جميعا الجى ميل اللى هتعملو فى تليفونك بلاش تنساه ولا تنسي الباسورد وعادى فى حل لو نسيت الباسورد بس اهم حاجة يكون ليك جى ميل يكون عليه كل حاجتك عشان لو حبيت تغير تليفونك او لو هتعل فورمات لتليفونك تقدر تسترد كل بياناتك من عليه.

طريقة عمل ايميل الجي ميل عشان تقدر تستفيد من خدمات جوجل الكتيرة والمميزة طيب هتقولى ايه هى مميزات الجي ميل ولا انا هستفاد ايه لما اعمل جي ميل

مبدأيا كدة مش هتعرف تستخدم الموبايل الاندرويد اللى بيدعم خدمات جوجل الا لما يكون عندك حساب جي ميل ومن اهم المميزات اللى بتميز الجى ميل هى :

مميزات حساب Gmail :-

1-      تشغيل متجر جوجل بلاي لتحميل التطبيقات وعمل التحديثات.

2-      حفظ كلمات المرور الخاصة بالتطبيقات والمواقع اللى بتدخل وتسجل فيها.

3-      حفظ محادثات الواتس اب والفايبر واللاين والوسائط عليها.

4-      عمل نسخة احتياطية بصورة دورية لموبايلك.

5-      نسخة احتياطية من جهات الاتصال الخاصة بيك وسجل المكالمات.

6-     عمل نسخة احتياطية من الصور والفيديوهات والملفات بموبايلك وسهولة استردادها فى حالة شراء موبايل جديد اوعمل اعادة ضبط مصنع للموبايل.

7-      الاستفادة من تحديد الموقع وعمل مشاركة للموقع عن طريق تطبيق Google Maps

8-      امكانية رفع ملفات والاحتفاظ بها على تطبيق Google Drive

9-      الاستمتاع بافضل تطبيق مكالمات صوتية وفيديو Google Due

10-   تحديد موقع الموبايل لو ضاع او نسيت مكنه او اتسرق.

11-  عمل فورمات للموبايل فى حالة نسيان نمط الشاشة او كلمة سر الموبايل.

12-  سهولة انشاء مدونة وعمل موقع الكترونى بكل سهولة.

خطوات انشاء حساب Gmail

1-      الدخول على متصفح جوجل كروم.

 

2-      الدخول على موقع جوجل www.google.com.

3-      الضغط على زر تسجيل الدخول.

 

4-       الضغط على انشاء حساب واختيار لنفسي لو كان شخصي واذا كان لشركة اضغط تجارى.

5-      كتابة البيانات المطلوبة وانشاء كلمة مرور صعبة تحتوى على حروف كبيرة وصغيرة وارقام واشارات.

 

6-      ثم الضغط على التالى.

7-      اضافة رقم الموبايل لحماية الحساب والضغط على التالى.

تم انشاء الحساب بنجاح ..